Siero almite l'asturianu dende'l día 26

La nuestra sección Llingua Asturiana recueye na so última actualización la presentación, esta tarde en Llangréu, del llibretín y el cartel sobre la sidra preparaos pola Xunta pola Defensa de la Llingua Asturiana. D'otra parte, tamién sal na sección un curiosu socesu en Siero: El conceyu almitirá a rexistru escritos n'asturianu, pero solo dende'l día 26. Nun ye porque los visitare nengún espíritu dickensianu de la navidá, sinon porque se retira'l funcionariu que trabayaba hasta agora nesi puestu. El primer cursu d'asturianu que se da en Centru Asturianu de Madrid dempués de cien años d'historia y la campaña del Principáu afalando a regalar n'asturianu completen esta sección.