Siero almite l'asturianu dende'l día 26

Esti día un miembru de la Xunta pola Defensa de la Llingua intentó facer un trámite municipal n'asturianu y echóse-y p'atrás. Como se supón que la llei taba de la so parte, requirió a un conceyal d'Izquierda Xunida que lu acompañó al despachu del Alcalde pa presentar una quexa. La rempuesta raspia no surrealista: Dende'l día 26 van podese facer trámites n'asturianu, porque nos pautos de gobiernu municipal del Tripartitu (PSOE,IX,Conceyu Llugones) esiste'l compromisu de promocionar l'usu de la llingua asturiana.... Pero agora va poder cumplise ensin problema porque xubílase'l secretariu municipal que ye un enemigu declaráu del asuntu...
Ye patéticu l'argumentu, pero lo que ye llamentable ye que la tristemente famosa Llei d'Usu y los alcuerdos municipales dependan de la voluntá d'un funcionariu p'aplicase.