"Si dependiese de min esclusivamente, apostaría d'una manera muncho más decidida por dotar de derechos a los falantes d'asturianu", diz Pumares

El secretariu xeneral de Foro respondió con esta afirmación a los ataques del popular Pablo González nel alderique d'orientación política.

"Mire señor González, y fino yá, sí tien razón nuna cosa: si dependiese de min esclusivamente, apostaría d'una manera muncho más por dotar de derechos a los falantes d'asturianu, porque precisamente esi reconocimientu de los derechos foi lo que me llevó por exemplu nel añu 2008 a votar a Gabino de Lorenzo nes eleiciones xenerales a les que se presentó, que Mariano Rajoy perdió contra José Luis Rodríguez Zapateru", confesó Adrián Pumares. "Y foi tamién ún de los motivos que me llevó a afiliame nel añu 2011 a Foro Asturias", siguió.

"Nesi sen, ye verdá que la mio postura en rellación a la llingua asturiana ye más decidida seguramente tamién que la de la presidenta", en referencia a Carmen Moriyón, que tamién fora oxetu de les crítiques de González, presidente del PP de Xixón.

Na imaxe, momentu nel que Pumares se dirixe a González.