Sevilla, escenariu d'otra batalla de la globalización

La presidencia española de turnu na Unión Europea pieslla oficialmente col cume qu'entama güei en Sevilla. Esta vez, xunta l'ampliación al este de la UE, el tema central del debate va ser la inmigración, una materia na que quieren poner una llexislación entovía más restrictiva que la qu'hai agora y que ye criticada incluso dende'l puntu de vista de los derechos humanos. L'encierru que caltienen dende va díes un grupu d'inmigrantes na Universidá de Sevilla vien a ser el contrapuntu dolorosu al enfotu de la xunta ministerial, que se propón lluchar contra la "inmigración ilegal" un conceptu en constante redefinición al que cada vegada entren más inmigrantes y del que los grupos organizaos alredor del Foru Social de Sevilla tienen una visión abondo estremada de la oficial qu'espondrán nos debates y meses redondes que tan programaes nel cume alternativu.