'Setiembre' pon el ramu al V Festival Nel Amaro

Esti monólogu de José Rico Arte Producciones ye una adaptación al asturianu de la obra de la canadiense Evelyne de La Chenelière.

La última finalista del V Premiu y Festival Nel Amaro de Teatru Profesional en Llingua Asturiana o Gallego-asturiano va representase esta tarde nel uvieín Teatru Filarmónica, momentu tres el que'l xuráu, depués de ver en direuto les cuatro obres, va poder decidir cuála ye merecedora d'esti gallardón valoráu en 6.000 euros. Ye 'Setiembre', protagonizada por Natalia Suárez Ríos y dirixida por José Rico.

Trata sobre una muyer que va recoyer a la so fía a escuela, momentu nel qu'entama a xungar na so imaxinación coles coses que ve, fantasiando con tolos escenarios posibles, dende los más lúdicos hasta los más morbosos. La obra orixinal de La Chenelière, escrita en francés, llevóla al asturianu Xosé Candel.

La entrada al Filarmónica ye llibre hasta completar aforu. 'Setiembre' va representase de magar les 20 hores.