El Conseyu de Comunidaes Asturianes celebra'l Día de les Lletres Asturianes na emigración, un actu qu'esti añu va desarrollase nel Centru Asturianu de Buenos Aires, onde dende güei y hasta'l próximu miércoles 18 van desarrollase dellos actos rellacionaos cola llingua asturiana.
Nos actos previstos van intervenir Manuel Fernández de la Cera, presidente del Conseyu de Comunidaes Asturianes y el presidente del Centru Asturianu de Buenos Aires Manuel Cardín, mientres que por parte de l'Academia de la Llingua van participar Pablo Rodríguez Manzano y l'antropólogu Roberto González-Quevedo. Flavio R. Benito, gaiteru del grupu Llan de Cubel y que yá tien llazos cola comunidá asturiana emigrante al traviés de la so esperiencia como profesor de música la Escuela d'Asturianía, va poner la nota musical a estos actos.