Seis peñes bolístiques reciben ayuda pa la organización de torneos

El Gobiernu subvenciona tamién intervenciones n'instalaciones deportives en 18 conceyos de menos de 10.000 habitantes.

Seis peñes bolístiques van recibir apoyu económicu pa la organización de diez torneos. Son l'Asociación Bolo Vaqueiro, la Peña Bolística Batán, la Peña de Bolos La Cuesta de Cuideiru, la Peña El Tronco, el CD Peña Moscona de Bolos y la Peña Bolística El Piles.

En total repártense 3.650 euros, siendo les mayores partíes pal XXXIII Tornéu Villa de Mieres de Pareyes y el XXI Tornéu de Campeones y Ases (Batán), y pal LVI Campeonatu de Bolos del Muséu del Pueblu d'Asturies (El Piles), un total de 600 euros pa caún. El restu reciben 300, 250 o 200 euros.

Reparación de la bolera en Proaza

Pal caltenimientu d'instalaciones deportives en conceyos pequeños, la Conseyería de Cultura, Política Llingüística y Turismu destina 50.000 euros. Los beneficiaos son Bual, Castropol, Cuaña, El Franco, Grau, Nava, Morcín, Parres, Ponga, Proaza, Quirós, Ribeseya, Riosa, Samartín d'Ozcos, Santalla d'Ozcos, Santo Adriano, Taramundi y A Veiga.

La renovación de los deportivos de Castropol y Cuaña, la reparación de la cubierta del d'A Veiga y la reparación del campu de fútbol d'El Franco lleven les cantidaes más altes, un total de 4.654,10 euros. Ayúdase a Proaza con 2.476,53 euros pa la reparación de la bolera.

Na semeya, bolera del Muséu del Pueblu d'Asturies, colos ganadores del añu pasáu del tornéu de la FIDMA de cuatriada por equipos, la Peña Prau La Hueria.