Schumacher voló en Nurburgring

El pilotu alemán de Ferrari marcó, con muncha diferiencia, el meyor tiempu nos entrenos definitivos pal Gran Premiu d'Europa, rodando los cerca de cinco kilómetros de la pista de Nurburgring en 1,28,351. El pilotu asturianu Fernando Alonso confirmó la meyoría de los Renault al facer el sestu meyor tiempu, con 1,29,313. Con too y con ello, Alonso foi dos décimes más lentu que l'otru Renault de Jarno Trulli, que fizo'l tercer meyor tiempu y mañana va salir al rau del campeonísimu alemán, únicu pilotu capaz de dar la vuelta entera al circuitu en 1,28 xunta'l nipón Takuma Sato (BAR-Honda), mientres que los demás pilotos de la parte alta quedaron toos nel 1,29. Con too ello, la parrilla ígüenla nos sos primeros puestos:

1) Michael Schumacher (Ferrari)

2) Takuma Sato (Bar Honda)

3) Jarno Trulli (Renault)

4) Kimi Raikkonen (McLaren)

5) Jenson Button (Bar Honda)

6) Fernando Alonso (Renault)

7) Rubens Barrichello (Ferrari)

8) JP Montoya (Williams - BMW)

9) Ralf Schumacher (Williams - BMW)

10) Olivier Panis (Toyota)