Sánchez Vicente presenta un estudiu sobre les xírigues

Xuan Xosé Sánchez Vicente y Celina Pérez Melero presenten esta tarde en Peñamellera Baxa'l llibru "Xírigues, lengua y vida de los artesanos asturianos ambulantes". La obra enxerta estudios d'investigación sobre "les Xírigues" de los artesanos asturianos de los oficios más estremaos, incluyéndose nel estudiu'l Tixileiro, fala de los artesanos que facíen cacía de madera nos conceyos d'Ibias y Degaña, el Bron de los caldereros de Miranda, l'Ergue de los canteros, el Tamargu o Xíriga de los teyeros de LLanes y el Mansolea de los zapateros.

El fechu de que'l llugar de la presentación sía Panes nun ye casual, y ye qu'una de les novedaes d'esti completu llibru sobre les xírigues asturianes ye que por primer vegada faise un estudiu del Varbéu de los goxeros de Peñamellera.

Los estudios enxertos nesti llibru traten d'estes xírigues en clave llingüística dafechu pero tamién dende puntos de vista sociales y económicos. El llibru tien el patrociniu de la Caxa d'Aforros d'Asturies, y enxerta como novedá absoluta vocabularios inversos de les xírigues, amestando tamién un cuerpu d'información gráfica bien curiosu y recueye bien de testimonios de falantes de les xírigues