San Xuan continua en Nava

Nava va disfrutar gëui del día grande de les sos fiestes de San Xuan, actuaciones de bandes de gaites y conciertos de grupos folk como Felpeyu o La Bandina van tar en Nava güei vienres de nueche.

La iniciativa sal de la banda de gaites La Raitana, dirixida por Flavio Rodríguez. La nueche d'esti vienres 24 la música va ser la protagonista y dende les 22:00 hores na plaza Manuel Uría van actuar l'irlandés Michael Murphy, los asturianos La Raitana, amás de la banda gallega Zuncurrundullo y la bretona Krevenn-Alré. L'aportación folk va ser gracies a les actuaciones de La Bandina, col discu acabantes de sacar y con munches ganes d'enseñalu, y el grupo asturianu Felpeyu que tamién van tar acabantes pero nel so casu d'aterrizar dempués de tocar dos díes enantes en Beirut.

Amás de los conciertos d'esta nueche, les actividaes continuen al día siguiente con ponencies sobre'l mundu de la gaita de nomes tan conocíos na gaita asturiana como José Manuel Tejedor, Pedro Pangua y Martín Poladura. Pela mañana tamién va facese un Alcuentru internacional de Bandes de Gaites col nome de Memorial "Jairo García Iglesias", n'alcordanza del gaiteru de La Raitana que morrió n'accidente de coche a últimos de 2003.