San Félix sigue la celebración de los sos 40 años cola organización de charres-taller

El del sábadu céntrase nos bailles recoyíos nos dos llaos de la llende d'Asturies y Galicia.

El Grupu de Baille Tradicional San Félix, qu'esti 2023 cumple 40 años de vida, sigue coles sos celebraciones. Depués d'entamar un Bailla na Plaza Solidariu en febreru, nel que recaudó 1.641,55 euros pa la Fundación Banco de Alimentos Asturias, agora encara la organización de charres y talleres sobre dellos aspeutos al rodiu la cultura tradicional asturiana.

'Bailles d'acá y d'allá' ye'l nome de la siguiente, programada pal sábadu a les 11.30 hores na Casa de Cultura de Candás. Va ponela'l músicu y compilador Adrián Méndez, centrándose en bailles recoyíos nos dos llaos de la llende ente Galicia y Asturies, pa depués facer un taller con tolos participantes.

P'asistir ye necesito acutar plaza, con delles posibilidaes. L'actividá tien un costu de 11 euros, pero por 18 más inclúi una xinta nel restorán El Cubano, y pa más información y xestión de la matrícula hai que comunicase per WhatsApp col númberu 676.804.369.

Na semeya, taller de payeḷḷa con Rosa Fernández celebráu'l día 11, que completó toles places.