Samartín 0 - Sporting 5

Con cinco goles más resolvió'l Sporting de Xixón el segundu partíu de la pretemporada, que xugó col equipu del Samartín en Sotrondio. Los tantos del trunfu sportinguista marcáronlos Borreguero, Calandria, Casquero, David Lago y Juan nun partíu que foi un paséu pa los de Marcelino y nel que l'orpín dexó'l prau nidiu, permitiendo un fútbol más rápidu. L'entrenador probó a los dos porteros, Roberto y Valencia, xugando caún un tiempu, mientres que Samuel y Cristian tuvieron de retirase por lesiones y son posible baxa pal siguiente partíu.

Amás de los cuatro futbolistes que xubieron del filial al primer equipu nesta campaña, Marcelino probó al central del Sporting B Jorge, que xugó la primer parte. Jeffrey foi baxa por sobrecarga, pero ye fácil que vuelva pal siguiente partíu, el sábadu a les 7 en Miramar contra'l Marino de Lluanco, rival de más entidá que Llealtá y Samartín, equipos que nun punxeron resistencia al xuegu del Sporting.