Salú comunica 74 casos nuevos, con una tasa de positividá del 3,35

|
Vacunación en La Pola Siero menores de 60 años

Novenu día ensin finaos con COVID-19.

A falta de la espublización de los datos oficiales de la pandemia, la Conseyería de Salú informó de la detección de 74 casos ayeri –l'actualización suma 1 más non contabilizáu en díes previos–. Son 46 más que'l domingu, cuando, con 28, se rexistró la cantidá de contaxos más baxa del añu.

El Serviciu de Salú del Principáu d'Asturies (SESPA) fixo 3.098 pruebes de diagnósticu d'infeición activa, polo que la tasa de positividá s'asitió nel 3,35 por cientu, cuando la xornada anterior foi del 2,30 por cientu con 1.697 tests realizaos. A 7 díes, esti porcentaxe taba enantes de l'actualización nun 3,17 por cientu –ayeri xubió al 3,31 por cientu–.

Dende'l 22 de mayu nun se rexistra muerte nenguna cola enfermedá causada pol coronavirus SARS-CoV-2, polo que yá son nueve les xornaes siguíes ensin finaos. El total de perdes sigue, poro, en 1.969.

Hai 66 pacientes hospitalizaos con confirmación o sospecha de COVID-19, 7 menos que'l domingu, mentes qu'otros 32 tán na UCI, 2 más.

Na semeya, vacunación la selmana pasada a menores de 60 años nel autovac de La Pola Siero.

Contador Estadistiques