Salió'l númberu venti d'Entrambasauguas

La secretaría pal Navia-Eo de l'Academia de la Llingua presentó esta selmana'l númberu 20 de la revista Entrambasauguas, publicación trimestral de conteníos xenerales escrita na fala del Navia-Eo. Nesta nueva entrega, Entrambasauguas abre con un artículu del ornitólogu Xurde Gayol entituláu "os páxaros del mar y a galipota del Prestige". Un artículu presentando los telecentros de la comarca da pasu a un estudiu sobre'l nivel d'usu de la fala ente la mocedá de Tapia; nelli, Ángel Fernández alvierte nesti trabayu sobre la doble influyencia del castellanu y del modelu de gallegu normalizáu que llega peles emisiones de la TV gallega. Enxértense tamién artículos sobre l'"Asociación d'Amigos del Marqués de Sargadelos" de Santalla d'Ozcos, un trabayu del etnógrafu Alberto Álvarez Peña sobre "El Demo y el invento da serra" y reportaxes sobre la primer "Festa da malla" en San Tiso d'Abres y les antigües orquestes da Veiga nos años 40 50 y 60.