Salas, conceyu númberu 70 n'aprobar la so toponimia tradicional

El Conseyu de Gobiernu da'l preste al espediente llueu de pasar pel Plenu municipal.

El procesu de recuperación toponímica llega a la cifra de los 70 conceyos y encara la so recta final, con namái 8 pendientes de dar el pasu d'aprobar los dictámenes de la Xunta Asesora de Toponimia. L'últimu en facelo foi Salas, a la espera agora de que s'espublice'l decretu nel Boletín Oficial del Principáu d'Asturies (BOPA) pa que los nomes de llugar tradicionales pasen a ser los únicos oficiales nel conceyu venti díes depués.

Llanera, Somiedu, Cuideiru, Allande, Caravia, Ibias, El Valle Baḥu de Peñamellera y Navia son los que queden por completar el trámite. Toos ellos tienen los espedientes avanzaos y l'oxetivu del Gobiernu ye que tean aprobaos nel 2022.