Salamanca 1 - Sporting 2

Ensin xugase nada, el Sporting fizo quedar a mal al Salamanca cola so afición nel partíu en que despedíen la lliga. El trunfu del Sporting confirma el bon añu de los d'Acebal xugando fuera de casa y confirma a Villa como'l delanteru del equipu. 17 goles lleva'l rapaz de Tuilla, al que nun quieren dexar marchar pal añu qu'entra.Igual foi el calor del Helmántico, pero'l Salamanca taba n'ayén, y llegaos al descansu, el Sporting, mandáu por Cobas, yá ganaba 0-2. La cosa llevaba traza d'acabar en goleada, pero los asturianos salieron al segundu tiempu más amuermaos, y tres el gol de Robert, acabaron pagando con nervios el preciu de perdonar les ocasiones que tuvieron pa enanchar distancies en marcador. A la fin, la cosa quedó en ná y el Sporting, dientro de lo que supón pasar otru añu en segunda, tien a lo menos el consuelu de quedar perriba del eternu rival.

Contador Estadistiques