Sal una guía n'asturianu del conceyu de Parres

El Grupu "Amigos de Parres" presentó ayeri una guía turística del conceyu editada dafechu n'asturianu. La guía ye obra de Justo Manzano, que na presentación d'ayeri tuvo acompañáu pol director de la Oficina de Política Llingüística Ramón d'Andrés. La obra cuenta con dibuxos a plumina del artista Alfredo Palomo. Esta ye la tercer obra qu'espublicen los "Amigos de Parres" y la segunda que tien rellación estrencha cola llingua asturiana dempués de que l'otru añu editaren l'estoyu d'escritos vieyos en llingua asturiana "50 años d´Asturianu na revista La Peruyal".