Sánchez Vicente cree necesario reforzar la cuestión identitaria p’atraer al turismu y crear emplegu n’Asturies

4 Mayu, 2011 por Pablo R. Guardado

Inicie sesión o rexístrese pa espublizar comentarios

Xuan Xosé Sánchez Vicente, candidatu d’Unión URAS-PAS, editó un vidiu nuevu onde espón la necesidá d’atrayer turismu al país pa crear emplegu. El presidente del Partíu Asturianista (PAS) cree necesario reforzar la cuestión identitaria porque considera que los turistes busquen “dir a un sitiu distintu” al que paga la pena dir.

El númberu ún de la llista d’Unión URAS-PAS recuerda los llogros na materia del Gobiernu de Marqués al traviés del pautos col PAS y señala la necesidá de desestacionalizar les visites pa conseguir que l’aportación de l’actividá al PIB pueda medrar. D’igual forma, calca na necesidá de reforzar la cuestión identitaria pa que los turistes vean a Asturies como un destín atractivu. “Ello supón poner en valor les nueses peculiaridaes gastronómiques, la nuesa especifidá sidrera, la nuesa arquitecura y el nuesu paisaxe”, destaca Sánchez Vicente, que fai enfásis de forma especial na “identidá artística –paleolíticu y arte asturianu–, histórica –primer reinu asturiano, resistencia al Islam, nucleu básicu d’Europa– y les nueses señes como la llingua, el folclor, la tonada a los horros”.

Otra manera, Sánchez Vicente tamién espublizó otru vidiu nel que muestra la so posición sobre la pesca y la caza. “Tenemos un compromisu cola vida asturiana tradicional. L’Alministración inora la realidá asturiana. Nós la conocemos. Por eso, vamos aboradar el tema de la pesca y la caza, respetando especies, respetando la veda y respetando’l mediu ambiente”, asegura’l candidatu d’Unión URAS-PAS. Pa ello, según la so opinión, “hai qu’evitar que l’alministración sía namái un focu de prohibiciones y que se dedique namái a perseguir al ciudadanu”, pa depués añadir que cazadores y pescadores “son amigos de la naturaleza y persones que disfrutan d’ella de forma sana nel so ociu, non destructores”.