Sánchez Vicente asoleya un ensayu sobre’l nacionalismu asturianu

"Ríu Nalón" ye'l títulu del nuevu volume d'ensayos y artículos del profesor de lliteratura y primer diputáu asturianista na Xunta Xeneral.

El próximu miércoles preséntase a les 8 na "Fundación Nueva Asturies" (Cai del carme 16 entlu) de Xixón la obra "Ríu Nalón - Estudios lliterarios y llingüísticos" que fai el númberu 34 na llista de títulos asoleyaos por Xuan Xosé Sánchez Vicente, que presentare apocayá'l volume d'estudios lliterarios "Lítora Cantábrica".

El testu fala nes sos 200 páxines sobre la política de normalización llingüística del gobiernu y enxerta artículos sobre la historia política y cultural d'Asturies, neto qu'investigaciones llingüístiques y lliteraries nun parte más política, mientres qu'otru separtáu más lliterariu de la obra céntrase n'estudios sobre la figura de Caveda y Nava, el modernismu lliterariu de primeros del sieglu XX o Xuan María Acebal.

L'estoyu d'artículos y estudios de temática variao inclúi un repasu dende'l puntu de vista del autor sobre la evolución del discursu rexonalista y nacionalista asturianu ente 1839 y 1936 y un estudiu sobre la identidá asturiana baxo'l títulu "Asturies secuestrada".