Rubén d'Areñes gana'l Nené Losada Rico

L'escritor del conceyu de Siero Rubén Suárez Sánchez (1983), más conocíu pol alcuñu de "Rubén d'Areñes" ye'l ganador del certame de poesía n'asturianu "Nené Losada Rico" que dende v cinco años convoca l'asociación de muyeres "Valdés Siglo XXI" y que fai homenaxe a la decana de les lletres asturianes entregando esti premiu pa obra n'asturianu y otru en castellanu, que foi pa la toledana Elena Román Torres.

La obra del autor ganador titúlase "Los 23 Pasos" y supón la continuidá pa un autor bien mozu que nestos dos últimos años yá ganó tamién los concursos de poesía "Elvira Castañón" y "Alfonso Camín"y el "Horreo de Carbayedo" de microrrellatu. Rubén d'Areñes ye tamién collaborador de les revistes Lletres Asturianes y Formientu y de Tertulia Telira.

Dotáu con 1.000 euros, al certame presentáronse decenes de trabayos de gran calidá.

La orgnización adelantó que'l certame nun va convocase hasta l'añu 2009, dexándose'l 2008 pa asoleyar una edición de los trabayos ganadores hasta la fecha.