Rosa Fernández punxo la bandera d’Asturies nel Everest

L'asturiana Rosa Fernández de 43 años, acompañada pol sherpa Dawa, convertióse esti sábadu na primer asturiana en llegar al cume del monte más altu del mundu, l'Everest. El llogru de la deportista asturiana, que xubió pela cara norte del monte prodúxose a les 4:40h. de la madrugada hora asturiana y 10:40 h. hora local del Nepal.

L'ascensu de Rosa Fernández, una de les deportistes asturianes d'élite que firmaron el manifiestu del Conceyu Abiertu Pola Oficialidá, tien más méritu por facese con unes condiciones climátiques difíciles enforma que nun recomendaben l'ataque al cume de 8.848 metros. Rosa Fernández, que mangó nel cume xeláu la bandera d'Asturies ye la primer muyer asturiana en llograr esta escalada y la primera persona en xubir al Everest nel añu 2005.

Rosa Fernández yá intentare l'Everest nel añu 2003, una esperiencia que salió mal y que la escaladora diz que salió viva d'aquello gracies a Dawa, el mesmu sherpa que l'acompañó nesta ocasión.
Tola información na so web