Rock pa la nueche de mañana

El guitarrista Rafa Kas va tocar mañana de nueche nel Café Trisquel de Xixón.

A les 21:30 hores va entamar la música en directo nel Café Trisquel, qu'esta vez escoyó'l rock pal so conciertu de los xueves. Rafa Kas va ser l'únicu protagonista, porque'l músicu asturianu va enfrentase él solo, la so guitarra y toa una colección de pedales a un repasu per temes míticos del rock y otres esencies guitarriles. Per otru llau, yá ta mui avanzao'l trabayu de la grabación del nuevu discu de "Fe de Ratas", banda onde toca agora Rafa Kas. Los más de los temes yá tan llistos, colo que la grabación del mesmu en Cádiz va entamar d'equí a poco.