Rocío Gamonal Campeona de España de BTT XCO

El regresu de Rocío Gamonal a la más alta competición nun pudo ser de meyor manera. 

Rocío Gamonal proclamase campeona d'España élite nos Campeonatos d'España de XCO celebraos  en Maceda (Ourense)  esti pasáu fin de selmana.
La corredora sierense del RGTeam, yá nos primeros puestos de la prueba dende l'entamu, xunto a Santanyes y Lucía Vázquez, nun dio opción a los sos rivales y yá na segunda vuelta, de les seis que teníen que dar, púsose en solitariu en cabeza de carrera con 20”, llegando a tener más d'un minutu sobre les sos persiguidores, Santanyes y María Díaz, 1’ 04”, con 1’ 20” sobre Anna Villar. Finalmente Gamonal entraba con 58” de marxe, tiempu abondu pa esfrutar del so tercer Campeonatu d'España. L'andaluza María Díaz a la fin podía con Santanyes y llevábase la plata apostrando a la catalana al bronce.

Javier Alonso Campeón de España máster de Trial

El xixonés Javier Alonso (Biketrial Xixón) llogró'l Campeonatu d'España de Trial na categoría Master na prueba celebrada esti fin de selmana  en Lorca Na mesma categoría na que'l tamién asturianu Serafín Albedro (Biketrial Xixón) terminaba sestu. El murcianu Juan Pedro García yera plata y l'aragonés Víctor Hugo Freire llevose'l bronce.