Rio Narcea baltia tolos récords

La multinacional canadiense Rio Narcea Gold Mines qu'esplota les mines d'oru del occidente asturianu ta acabante d'anunciar los resultaos de los primeros nueve meses del añu, nos que ganó siete millones de dólares.N'ochobre, la empresa presentó les cuentes de los primeros seyes meses anunciando'l meyor resultáu de la so historia, con 4,2 millones de beneficiu ente xineru y xunu. Nestos tres meses, la saca d'oru siguió a un ritmu asemeyáu, estrayendo nel periodu un total de 48.029 onces d'oru a un coste de 130 dólares, que la empresa compara coles 28.523 a 221 dólares de coste nel mesmu periodu del 2001. Amás de lo que saquen del cielu abierto, Río Narcea anunció resultaos positivos na esplotación baxo tierra qu'entamaron esti añu. Según esplica la empresa, les máquines que tienen pa la parte de Boinás, afuracaron na rampla principal d'entrada, qu'afondó otros 172 metros hasta setiembre llegando yá a 1.9 kilómetros, mientres que tan rematando agora ente ochobre y payares les obres del sistema de ventilación de lo que va ser la mina baxo tierra.

Contador Estadistiques