Ribeseya vive'l so festival de bandes de gaites

|

Participen cuatro formaciones del país.

Les bandes de gaites El Corveru de Ribeseya, El Trasno, Castrillón y Ribeseya, que collabora na organización del eventu, conformen el cartelu IV Festival de Bandes de Gaites Villa de Ribadesella 'Memorial Hugo y Puru', que se celebra a les 18.30 hores na Plaza Nueva. Pela mañana, Fonsu Fernández, direutor del Muséu de la Gaita dio la conferencia 'La formación del repertoriu musical de la gaita asturiana'.

Na medianueche ta previstu nel mesmu llugar un conciertu del tríu conformáu por Odon del Paganéo, Pepín de Muñalén y Nel el de Purnea. Les actividaes van continuar mañana, a les 18 hores, col I Concursu de Pareyes de Gaita y Tambor 'Eduardo'l de Sardéu'.

Otra manera, la Banda Gaites Ribeseya pon a la venta camisetes moraes mientres el festival que sirvirán p'ayudar a l'asociación Bike4Rett. Por cada venta, 2 euros van dir destinaos a esti coleutivu que trabaya por recaudar fondos pa la investigación del Síndrome de Rett. Tamién tán instalaes huches na carpa de la Plaza Nueva.

Contador Estadistiques