Reivindicación nel Día de les Lletres Asturianes

Esta tarde La Xunta pola Defensa de la Llingua fai
un llamáu a la sociedá asturiana pa salir a la cai a reclamar,
otru añu más coincidiendo col Día de les Lletres, el
respetu que merez el nuestru idioma, nun añu nel que les agresiones y el
despreciu de los que teníen que curiar polo que ye de toos, llegaron a
un puntu inimaxinable pa cualquiera sociedá que se llame
democrática.
La situación actual, ensin midíes series de
normalización, con una Alministración que nun cumple les propies
lleis y con una falta de voluntá política sangrante, lleva
inexorablemente a la desapaición adulces del asturianu, por ello
la Xunta pide, agora más que nunca, un vuelcu social pa llograr
lo que ye de derechu: La Oficialidá.
La manifestación sal a les 19.00 del Paséu los
Álamos d'Uviéu, pasando per delles cais céntriques de la
capital pa llegar a les puertes del Teatru Campoamor, onde se va dar llectura a
un manifiestu y onde se celebra xusto depués l'actu
institucional de l'Academia de la Llingua