Día del Llibru Asturianu

Reinu Xuníu, Francia y Estaos Xuníos van lliderar les aiciones d’occidente contra Gadafi

|

La decisión del Conseyu de Seguridá de la ONX d’autorizar la zona d’esclusión aérea sobre Libia permitió los primeros movimientos contra Gadafi. Reinu Xuníu, Francia y Estaos Xuníos van lliderar l’aición de la ONX.
 
El primer ministrou británicu, David Cameron, anunció güei ante la Cámara de los Comunes que Reinu Xuníu, Francia y Estados Xuníos van lliderar la misión conxunta, col sofitu de los países árabes, pa facer cumplir la resolución 1973 del Conseyu de Seguridá de la Organización de Naciones Xuníes (ONX) qu’establez la esclusión aérea, esto ye, la prohibición del vuelu d’aeronaves, nel territoriu libiu. L’oxetivu d’esta resolución tomada pol Conseyu de Seguridá de la ONX promovida pol Reinu Xuníu, Francia y el Líbanu, que contó coles astenciones d’Alemaña, China y Rusia, ye protexer a la población civil de los ataques indiscriminaos de Muamar Gadafi.
 
Mañana va celebrase en Paris una reunión convocada pol presidente francés, Nicolas Sarkozy, pa la que tan convocaos representates de la política internacional. Nella, Sarkozy busca apoyos, n’especial ente’l mundu árabe, p’actuar contra Gadafi. Dalgunos medios de comunicación señalen que l’ataque de les potencies occidentales contra’l presidente libiu pue ser cuestión d’hores.
 
L’Estáu Español tamién va participar nesta operación contra Gadafi mediante la cesión de les bases de Rota y Morón y la puesta a disposición de la OTAN de medios navales y aéreos. El PP apoya una intervención militar, mentes que’l PSOE se queda nel sofitu a la resolución de la ONX.

Contador Estadistiques