Reinu Uníu y Holanda, en contra de la Constitución Europea

Los gobiernos del Reinu Uníu y Holanda declaráronse contrarios a l'aprobación de la Constitución Europea, proyectu que quedó aparcáu dempués de que los ciudadanos de Francia y Holanda lu refugaren en referéndum. Les declaraciones de los presidentes de los executivos británicu y holandés, Tony Blair, y Jan Peter Balkenende, qu'afirmaron qu'Europa nun precisa de constitución y que ye abondo pal so gobiernu adaptar les regles existentes a un mayor númberu de países socios esfrónense contra les intenciones de la primer ministra d'Alemaña y presidenta de turnu de la Unión Europea, que pretende aprobar pal mes de xunu una fueya de ruta pa que'l proyectu de constitución europea vuelva a tratase nel añu 2009.