Reinerio Álvarez Saavedra, contrariu a la oficialidá

El secretariu del Partíu Popular asturianu declaró na emisora local "Canal 10" que nun taba al favor de la oficialidá del asturianu, pal que defendió polítiques "de fomentu pero non de forzamientu". El diputáu popular reconoció la existencia de "un universu de xente qu'escribe y llee n'asturianu" pero xustificó la so posición en cuantes que l'asturianu "nun s'emplega davezu" n'Asturies".

Les declaraciones del cargu del PP a la emisora de TV, que güei recueye'l diariu de Xixón "El Comercio" asítiense nun puntu contrariu a la oficialidá, que dio a entender que diba suponer una "obligatoriedá" nel usu de la llingua, neto que la Conseyera de Cultura Ana Rosa Migoya, que tamién equiparare oficialidá con obligación nel mesmu espaciu televisivu,. Sicasí, Reinerio Álvarez abrió la puerta a un posible desarrollu futuru del asturianu nel estatutu, anque evitando la oficialidá, y esplicó que pa elli la del asturianu ye " una realidá qu'han tener en cuenta los llexisladores, pero na so xusta dimensión".