Recuperando la memoria histórica de la guerra

Estos díes en que se cumple'l cabudañu del empiezu de la Guerra Civil, ye interesante dar l'enllace a la páxina d'Asturies Republicana, onde s'atropa bien d'información sobre la historia del republicanismu n'Asturies en xeneral y, dientro de la estaya dedicada a la II República, sobre los socesos bélicos n'Asturies en particular, como les campañes del acorazáu Almirante Cervera.

La última actualización d'esti interesante web inclúi un apavoriante reportaxe históricu sobre la cárcele de muyeres de Santurrarán n'Euskadi, onde ta rexistrao que morrieron 116 muyeres, lo menos 35 d'elles asturianes, de la qu'acabó la guerra. La investigación fala de los trabayos forzaos a los que sometíen a les preses y de les míseres condiciones de vida na prisión, que dexeneraron nuna altísima moratndá dientro les muries del presidiu por enfermedaes carenciales y falta d'asistencia.