Recordamos el X Día de la Reciella con una galería de semeyes de la xornada

El sábadu 7 d'ochobre'l foi la fecha en que tuvo llugar la décima edición del Día de la Reciella, la xornada qu'entama 'Reciella. Families pol Asturianu' con actividaes pa neñes y neños n'asturianu dafechu, qu'esti añu tuvo'l lema 'La familia del asturianu crez'. Recuperóse la carrera 'Entaína', na que la familia Barbón de Llaviana pasó'l testigu simbólicu de la tresmisión xeneracional del idioma, y hebo axedrez, fútbol, moda, cosplay, origami y música, ente otros.

Asturies.com ufre una galería de semeyes de les primeres actividaes d'un día inolvidable tanto pa la reciella como pa les families que s'averaron al tendayu que nun se quixeron perder nin la conceyala de Cultura, Mocedá y Museos, Montserrat López Moro, que fixo'l percorríu de 'Entaína', nin el direutor xeneral d'Aición Cultural y Normalización Llingüística, Antón García. Una xornada pa vivir, xugar y deprender n'asturianu.