Reclamen que la páxina web municipal nueva de Siero tenga una "mayor presencia del idioma"

Iniciativa pol Asturianu tamién demanda qu'incorpore la toponimia tradicional, única oficial, cumpliendo asina'l decretu del 2009.

El Conceyu de Siero va remocicar la páxina web municipal. El vienres anunció'l vienres l'axudicación del contratu depués de sacalu a concursu públicu a lo últimu del añu pasáu y la organización pide que s'aproveche'l rediseñu "pa dotala d’una mayor presencia del asturianu", lo que permita "visibilizar y normalizar l’asturianu nesta canal de comunicación cola ciudadanía".

Una xera que nun debería resultar complicada al contar Siero "con un un Serviciu de Normalización Llingüística en funcionamientu, polo que la torna de los conteníos nun va suponer un encarecimientu del proyectu". N'actualidá la páxina tien una versión n'asturianu con unos pocos conteníos fixos, al igual qu'asocede col inglés, presentando tola información diaria namái en castellanu.

D'igual forma Iniciativa pol Asturianu afala tamién al Ayuntamientu "a aprovechar esti procesu pa incorporar la toponimia oficial de Siero en tol portal web, d’alcuerdu colo qu’establez el Decretu 104/2009, de 29 de xunetu, pol que se determinen los topónimos oficiales del conceyu".   

Na imaxe, versión n'asturianu de la páxina de Siero.