Reblagu pal Archivu históricu

El Conseyu de Ministros aprebó un Alcuerdu pol qu'autoriza a la Xerencia d'Infraestructures y Equipamientos del Ministeriu de Cultura la convocatoria dun contratu pal remocique de l'antigua cárcel d'Uviéu con vistes a qu'ateche l'Archivu Históricu d'Asturies. Con un presupuestu acutáu por Conseyu de Ministros de14.390.761,16 euros, el contratu tien un plazu d'execución de 36 meses

L'Archivu Históricu d'Asturies asítiase anguaño en Monesteriu de San Pelayo d'Uviéu. Cuenta con 5.000 metros lliniales de documentación, con dos depósitos fuera del Monesteriu, que yá nun pue almitir el depósitu de más fondos. La previsión ye que los depósitos estatales y autonómicos incrementen caún l'espaciu qu'ocupen a razón de 750 metros lliniales al añu, colo que d'equí a la vuelta de trenta años van precisase de 37.000 metros lliniales pa guardar los archivos d'Asturies

L'edificiu de l'antigua cárcel d'Uviéu inauguróse nel 1897 y foi'l primer edificiu d'España en que s'emplegó hormigón armao. El patrón pol que se mandó'l diseñu foi'l de la Cárcele Modelu de Madrid, obra al empar del arquitectu asturianu Eduardo Adaro, que partió, pela so parte, de diseños del tiempu del francés Napoleón III.