Ramón Prada finalista tamién nos premios de la música

El compositor asturianu ye finalista na categoría de "Meyor álbum de músiques nueves"

El compositor Ramón Prada compite nesta categoría xunta Jose Luís Encinas con "Guitarras en Shangai" y José Antonio Ramos y Andreas Prittwitz, músicu esti últimu tamién mui rellacionáu con Asturies y que tien nomináu el so tema "Y". Ramón Prada ta presente nesta categoría de los Premios de la Música col so discu "Veinte canciones de amor y un poema desesperado". Como diz el so nerudianu títulu, son venti cantares intimistes y mui personales d'una grabación que fizo d'una manera casera'l músicu nel añu 1997. L'añu pasáu Ramón Prada decidióse a sacar al mercáu esti material nuna edición especial de la que se ficieron namás que 500 copies. Esti discu, xunta los nominaos al meyor cantar n'asturianu, va saber el próximu día 22 d'abril si algama'l premiu de l'Academia de la Música.