Ramón Lluis Bande nun quier facer declaraciones retrucando’l vetu de l’ALLA a “Les Noticies”

El director del selmanariu "Les Noticies" diz que nel so mediu tan "perplexos" énte la decisión de l'Academia de la llingua de francer toa collaboración col selmanariu, únicu mediu impresu n'asturianu que lleva editándose ininterrumpidamente dende 1996.

Ramón Lluis Bande esplicó a Asturies.com que dende'l so mediu nun van facer declaraciones retrucando l'anuncia de l'Academia y declara que "vamos siguir con toa normalidá na llinia de siempre". El director del selmanariu declara que cuando esista dalguna noticia qu'implique a l'Academia "daremos información d'ello na midida en qu'entendamos qu'ello ye del interés de los nuestros llectores como veníemos faciendo hasta agora". D'otra manera, Bande aclaria que "L'Academia de la llingua ye una institución que nos merez tol respetu del mundu" y muéstrase "perplexu" en cuantes que "nun conocíemos nin teníemos de la intención de l'ALLA de francer rellaciones con esti mediu"