Ramón d’Andrés esplica la diversidá idiomática europea

El filólogu Ramón d'Andrés va dar esti miércoles una conferencia baxo'l títulu "Una güeyada a la diversidá idiomática d'Europa". L'actu va tener llugar esti miércoles 19 d'avientu, dende les 8 de la tarde nel local "La Escandalera Llugar d'Alcuentru" asitíau nel tercer pisu del númberu 21 de la cai San Francisco d'Uviéu.

Profesor de filoloxía na Universidá d'Uviéu y responsable de la Oficina de Política Llingüística na llexislatura pasada, Ramón d'Andrés ye autor de bien de llibros sobre temes de llingua, los más d'ellos divulgativos. Ente ellos rescamplen el "Diccionariu temáticu asturianu" la "Gramática práctica d'asturianu" (1997) o los trés llibros de la serie "Cuestiones d'asturianu normativu" amás del ensayu "Llingua y xuiciu" Premiu d'Ensayu Fuertes Acevedo nel 1998.