Radio Sele gana’l pleitu pola llicencia d’emisión

Xuanxo Mariño, responsable de la emisora Radio Sele, dio ayeri anuncia al recoyer el premiu "Andrés Solar" de que tan acabante de recibir notificación del fallu favorable a Radio Sele pola concesión d'una llicencia d'emisión


La entrega ayeri en teatru Xovellanos de los premios "Andrés Solar" que tolos años da la Xunta Pola Defensa de la Llingua Asturiana tuvo un protagonista especial na persona de Xuanxo Mariño. El responsable de la emisora "Radio Sele" ganadora del premiu a la entidá que más ficiere esti añu pol asturianu, aprovechó la so intervención nel intre de recibir el "pegollu" pa dar anuncia pública de que la emisora ta acabante de recibir notificación de los sos abogaos na que s'informa qu'el procesu llegal que tenía Radio Sele pola recuperación de la llicencia d'emisión que consiguieren nel 1999 y que se-yos retirare dos años dempués yá tien fallu y qu'esti ye al favor de Radio Sele.

Ente los aplausos de los asistentes, qu'interrumpieron les pallabres de Mariño, el representante d'esta emisora que lleva 19 años emitiendo n'asturianu les 24 hores del día esplicó qu'entovía ye ceo pa dar más de talles sobre los términos de la sentencia, pero declaró'l so contentu polo que supón el fallu favorable de los xueces nun casu como esti que suponía tanto pa la emisora .