¿Quién ye más delincuente?

La selmana pasada, la unidá de delitos informáticos de la Policía Nacional anduvo buscando en Llangréu al responsable de reventar el serviciu de foros de la compañía Terra con un unviu masivu de correos. Nun pudo demostrase nada, y l'unicu sospechosu quedo llibre, pero la tema tien más miga de lo que paez. El colectivu AsturLinux fexo un anális interesante de la situación, argumentando que Terra mandó detener a una persona por unviu masivu de correos, que ye lo mesmo que'l spam qu'empleguen bien de grandes empreses tolos díes estragando los servidores de corréu y que naide denuncia, neto que los repartidores de propaganda que nos dexen el buzón tremáu de papeles. Asturlinux tamién criticó que se detuviere al titular de la IP dende que e mandaron los correos, porque un espertu pue arrampuñar cola IP d'otra persona y mandar corréu con ella, que ye lo que-yos paez que pasó nesti casu.