Pufu cola Seguridá Social

El diariu económicu 5 Días espubliza na so edición de güei qu'Asturies ta ente les ocho comunidaes del estáu que nun ingresen perres abondo pa pagar les sos pensiones. Asturies rescampla nesti grupu nel que tamién tan Andalucía, Extremadura, Castiella-Llión y Castiella-La Mancha, como la que más problemes tien con esta tema, y ye la que más déficit tuvo, 843 millones d'euros nel exerciciu del 99 contra un ingresu de 1.302 millones d'euros. La baxada de la población activo, que yá fore noticia la otra selmana n'Asturies.com apúntase como una causa determinante en que'l país nun llegue a la media de dos cotizantes per pensionista que se considera mínimu pa caltener la estabilidá del sistema de pensiones. Otramiente, un datu importante ye que n'Asturies nun hai un porcentaxe altu de pensionistes que reciban complementu a mínimos na so paga. Mientres n'Extremadura más del 52% de les pensiones tienen suplementos estatales pa llegar al mínimu, n'Asturies esi porcentaxe ta bien perbaxo de la media estatal del 31%, lo que se traduz en que los pensionistes asturianos benefíciense d'unes pagues de más calidá.