Selmana de les Lletres Asturianes

PSOE y PP pauten el conseyu d'alministración nuevu de RTVE con Tornero al frente

|
José Manuel Pérez Tornero

Tamién negocien la renovación de la cúpula del Conseyu Xeneral del Poder Xudicial.

Una vegada pasaes les eleiciones catalanes, el PSOE y el PP retomaron contautos pa desbloquiar dalgunes cuestiones pendientes. Ente elles taba la renovación del conseyu d'alministración de la Corporación de Radio y Televisión Española (RTVE), onde Rosa María Mateo acumulaba cuasi 3 años como alministradora única provisional na presidencia del ente públicu de comunicación.

L'alcuerdu ente les dos formaciones más votaes, nel que tamién participó Xuníes Podemos y EAJ-PNV, colocará al andaluz José Manuel Pérez Tornero al frente de RTVE. Güei nomáronse nel Congresu seis conseyeros, Elena Sánchez Caballero, José Manuel Martín Medem, María Carmen Sastre, Jenaro Castro y Juan José Baños, amás del propiu Tornero, pendiente de que'l Senáu faiga lo propio colos 4 restantes.

El desbloquéu nun llega namái a esta corporación, sinó que se lleva tamién a otros órganos, como'l Tribunal Constitucional o'l Defensor del Pueblu. Ente ellos el más destacáu ye'l Conseyu Xeneral de Poder Xudicial, pendiente de renovar cargos dende hai más de 2 años, que nestos momentos ta negociándose cola dulda de si Xuníes Podemos, sociu de Gobiernu de los socialistes, tien pesu o non nes mesmes.

Contador Estadistiques