Proyectu Explora, un certame asturianu que quier premiar lo nuevo

Dende l'añu 2003 funciona gracies a la iniciativa del Colectivu "Interferencias"
el "Proyectu Explora" un certame artísticu que patrocina la Obra Social y Cultural de Caxastur.

Explora defínese como un espaciu abiertu pa la investigación y la creación artístico, proponiendo un modelu d'investigación y espardimientu que s'enconta nuna revisión de les corrientes culturales nueves, faciéndose catálogu de la cultura contemporánea asturiana nel terrén de les las corrientes artístiques más de nuevo y pa los creadores más mozos

La convocatoria d'Explora 2005 estrémase en delles modalidaes artístiques distintes, que son les de música electrónico, teatru curtiu, intervenciones artístiques y cómic, abriendo-y tamién un ventanu a la internet con una estaya que va premiar el meyor weblog o diariu personal na rede.

El plazu de presentación de trabayos ta abiertu hasta'l 30 d'abril, y cada categoría tien un premiu únicu en metálico por importe de 1200 euros. Les bases d'esti añu y tola información sobre'l Proyectu Explora pue consultase na so web