Protesta pola escuela infantil

La Plataforma en Defensa de la Escuela Pública, qu'enxerta a los sindicatos d'enseñanza CC.OO., FETE UXT y SUATEA y a organizaciones como la FAPA Miguel Virgós, COAPA y Sindicatu d'Estudiantes denunció ayeri que'l decretu que va paralizar l'aplicación de la llei de Calidá de la enseñanza nun inclúi la paralización de los artículos que se refieren a la gratuidá na educación infantil, circunstancia que, al entender d'esta plataforma, dexa una puerte abierta a que se xeneralicen los conciertos nesti tramu non obligatoriu de la enseñanza


Nel casu concretu d'Asturies, la plataforma ve que, al nun esistir una normativa de la Conseyería d'Educación qu'apaute claramente la normativa sobre conciertos, el nun torgar estos artículos pue suponer la desregulación del sistema educativu asturianu nesti tramu, llegando a privatizase dafechu. La plataforma tien pidida una xunta col conseyeru Riopedre pa falar d'esti tema.


Xunta la protesta de la plataforma por esti asuntu , ún de los sos integrantes, el sindicatu d'enseñanza CCOO denunció tamién ayeri la reforma que pretende facer la Conseyería de los Centros Rurales Agrupaos, que calificó de "recorte de recursos con criteriu economicista" anque entiende que la baxada demográfica pue obligar a facer axustes, pide un plan de desarrollu pa la zona rural que tenga especial atención a la cuestión de la escuela rural. CCOO d'enseñanza pide que se caltengan los Centros Rurales que dean serviciu polo menos a cuatro llugares.