Protesta pol asturianu en Madrid

Esti fin de selmana celebrose nel Recintu Ferial de la Casa del Campo de Madrid Expolingua, na que participen tolos años, dende 1998, empreses y instituciones rellacionaes col mundu de los idiomes. El Principáu d'Asturies, siguiendo'l vezu que tien d'asistir a tolos certames d'esta triba que se faen nel mundu, como'l pasáu Expolangues de París, taba presente con un puestu institucional de la Conseyería de Cultura. El puestu asturianu recibió la visita del mesmu alcalde de Madrid, José Luis Álvarez del Manzano, que llevó dellos llibros n'asturianu de regalu.El domingu 14, dia de la clausura, un grupu de militantes de l'agrupación política Andecha Astur fizo un actu de protesta polo que-yos abultaba un actu cara a la galería por parte de la Conseyería, que cuida la imaxe esterior mientres fai p'Andecha Astur, "política de represión llingüística" dientro'l país. L'actu, que pue vese na semeya, consistió en llantase énte'l puestu con una pancarta reclamando la oficialidá.

Contador Estadistiques