Protesta na rede pola TV n'asturianu

La selmana qu'entra dase de pasu na Xunta Xeneral del Principáu la Llei que va regular la TV autonómica, na que nun hai nenguna disposición sobre'l tratu que va dase-y a la llingua asturiana na programación y conteníos de la futura canal. Ente esta situación, la Xunta Pola Defensa de la Llingua Asturiana convoca pal miércoles de la selmana qu'entra una concentración énte la Xunta Xeneral del Principáu dientro d'una campaña más grande y que tien na rede una de les sos acciones más interesantes. Nel web de la Xunta ta disponible un formulariu a la manera d'una fueya de firmes qu'unvia automáticamente en rellenándolu un corréu de protesta a toles direcciones particulares de los parllamentarios de la Xunta.