Protesta d’Izquierda Asturiana contra la llinia d’alta tensión Soto-Penagos

Dellos miembros d’Izquierda
Asturiana colgaron ayer una pancarta de 12 metros en protesta contra la llinia
d'Alta Tensión de Soto-Penagos en conceyu de Nava col lema “Torretes non” y
firmada conxuntamente pola propia Izquierda Asturiana y pola agrupación
política Asturianistes por Nava.

Con esti actu, IAS y APN según
declararon “quieren dexar claru'l so rechazu a la llinia y al modelu enerxéticu
asturianu, al tiempu que denunciamos el proceder antidemocráticu del alcalde
navetu, que ta acabante firmar un ‘contratu’ con REE ensin pasalu pel plenu
municipal”, manifestando qu’esi contratu “autoriza a la empresa REE a cablear
nes torretes yá instalaes, mesmamente nes que yá se consideren illegales
dafechu por tener aprobaes variantes de trazáu”. Nel actu tuvieron presentes
los dos conceyales d'Asturianistes por Nava asina como miembros de les dos organizaciones
y representantes de delles xuntes vecinales navetes.

IAS tien puesta una denuncia
nel Parlamentu Européu sobre les irregularidaes nesta llinia d'Alta
Tensión, que ta en fase d'investigación per parte de les autoridaes
comunitaries