Producción récord en Ríu Narcea

La empresa minera Rio Narcea Gold Mines, qu'esplota les mines d'oru del occidente asturianu, anunció esta selmana los sos resultaos nel añu 2.001. La multinacional de capital canadiense sacó d'Asturies 124.363 onces, el 28% más de la producción del 2.001. Pa ello tuvo que revolver cásique 650.00 tonelaes de tierra, que rindieron 6,5 gramos de mineral per tonelada. Anque la cotización del metal mariellu anda bastante gacha (270 dólares la onza), Río Narcea ta consiguiendo sacá-y más rentabilidá baxando'l coste de la esplotación. Si nel añu 2.000, la onza d'oru costaba sacala 264 dólares, nel 2.001 baxáronala hasta 220. Nel so informe (en formatu pdf) Río Narcea esplica tamién los sos oxetivos pal 2.002, en que cuenta con llegar hasta les 150.000 onces de producción.L'anunciu d'esti bon resultáu empresarial apaez poco dempués de dellos cambeos nel accionariáu de Río Narcea, en que perdió pesu'l grupu empresarial venceyáu a Unión Fenosa. Va dos meses, la empresa gallega Hullas del Coto Cortés, controlada pol grupuBancu Pastor y Unión Fenosa, vendió 8,5 millones d'acciones de Río Narcea, por 1.000 millones de pesetes, pasando del 19% al 6,5% del total. De cualquier manera, la filial de Fenosa Lignitos de Meirama, col 14%, sigue ente los mayores accionistes de Río Narcea xunta la canadiense NTC Trust.