Primer trabayu discográficu del grupu Innerself

El grupu de heavy "Innerself" formóse l'añu 2001 con componentes d'una banda anterior llamada "Leviathan". Esti grupu, que tuvo a piques de grabar un discu, foi'l caldu de cultivu de la banda qu'agora saca'l so primer discu al mercáu. "Innerself" ta formáu por Luis Alberto Miranda que ye'l guitarra solista, Chema Alvarez ta na batería, Andrés Alvarez na guitarra, Ismael Dominguez col baxu y Fernando Mateos na voz.

El discu tien el nome de "Emontial disorder", y grabóse nos estudios Eclipse d'Uviéu. La grabación y la mezcla vinieron por cuenta de Daniel Sevillano y la producción polos mesmos Innerself, anque'l master pasó peles manes por Mika Jussila nos Estudios Finnvox de Helsinki (Finlandia). Tres la grabación del discu, "Innerself" incorpórase al sellu "Locomotive Music", col qu'editen el so trabayu y que salió a la venta'l 2 de xunu.