Primer Óscar pa una película bosnia

La otra nueche, Hollywood celebró la entrega de los óscar, los premios más nomaos de la industria del cine y quiciás tamién los más frívolos de tolos que se dan nel mundu. El señor de los aniellos y A beautiful mind repartiéronse los más de los premios, como se pensaba que diba ser. Con too y con ello, por primer vez na so historia, dos de los premios más importantes, el de meyor actor y meyor actriz, diéron-yoslos per primer vez a intérpretes afroamericanos. Denzel Washington, pol so trabayu en Training Day. y Halle Berry, pola so interpretación en Monsters Ball, llevaron los premios nuna nueche na que'l veteranu actor afroamericanuSidney Poitier tamién tuvo un óscar especial a la so carrera. La llista entera de ganadores vese equí.Na estaya de meyor filme estranxeru, el ganador fo'l bosniu Danis Tanovic, pola so película En tierra de naide. Tanovic, que rodó documentales cuando la guerra n'antigua Yugoslavia, aprovechó la so esperiencia pa facer esta película sobre la convivencia ente dos soldaos, un serbiu y l'otru bosniu que queden garraos ente dos fuegos y na que se denuncia'l papel de los medios de comunicación y, sobremanera, l'actuación de la ONU, que Tanovic califica de combayona y inoperante nesta entrevista.

Contador Estadistiques