Primer conciertu del ciclu Folk de Cámara

Esti vienres podemos ver el primer tríu nel ciclu Folk de
Cámara que va desenvolvese esti mes de payares.



Esta vegada los músicos del tríu van ser Diego Pangua
(xiblata), Dolfu R. Fernández (vigulín) y Rubén Bada
(bouzouki). Con namás venti años, Diego Pangua ye conocíu
sobre too pola so condición de gaiteru, ganador del Macallan y ún
de los meyores representantes d'una xeneración moza de gaiteros/es. Pero
tamién se-y pue considerar ún de los meyores xiblateros
asturianos, aplicando la so técnica cola xiblata de madera a la gaita.
Anque tien el so propiu discu,
"Ente'l
Cairón", y collabora con dellos colectivos asturianos (Banda de
Gaites Fonte Fuécara, Colectivu Etnográficu Muyeres) trabaya
principalmente col grupu
"Felpeyu",
del que ye xiblateru y Gaiteru, y como profesor de gaita.



Dolfu R. Fernández col vigulín, de magar se
presentó al folk asturianu col grupu "Dubram", la
evolución de Dolfu ye constante. Collabora con delles formaciones hasta
formar Bron, tamién ye miembru fundador de
"La Bandina'l Tombu",
y collabora col grupu d'investigación etnográfica L'Andecha
Folclor d'Uviéu.



Rubén Bada col bouzouki, ye principalmente conocíu pol so
llabor col grupu
"Xéliba"

d'Avilés, pero trabayó tamién con formaciones de la talla
de "Tejedor", "Ú?", "N'Arba" o la cantante
de tonada Anabel Santiago. Ún de los bouzoukeros asturianos más
activos d¹anguaño, exerce amás de profesor, formando dellos
músicos que tan yá en primera llinia del folk asturianu.



El repertoriu del tríu va tar compuestu principalmente por pieces
asturianos, anque con delles visites a la tradición musical d'otros
sitios como Bretaña. Sones como Muñeira del Rebol.lar, Xota las
Tabiernas, Fretless Flute Song o Air du Mené van sonar na
Casa Natal de
Xovellanos de Xixón a partir de les 19:30 hores esti vienres 14.