Pría despidió a manolo del Campo

El delegáu del Gobiernu n'Asturies y presidente del Conseyu de Comunidaes Asturianes, Antonio Trevín, presidió ayeri la llegada de los restos del emigrante asturianu en Bonos Aires
Manuel del Campo. Trevín sorrayó'l llabor de Del Campo nel espardimientu de la cultura asturiana per América y calificó al fallecíu de "exemplu pa la emigración asturiana".


L'ataud colos restos de Del Campo recibióse en Ranón cubiertu con una bandera d'Asturies y col son d'una gaita acompañando un actu cenciellu al qu'asistieron dellos familiares y xente allegao, treslladándose'l cuerpu al cementeriu de Pría (Llanes) onde se fizo l'intierru a les seyes de la tarde cola asistencia del Presidente del Gobiernu asturianu, Vicente Álvarez Areces y l'acompañamientu musical de la Banda de Gaites Llacín

Del Campo, que tenía 75 años, llegó a l'Arxentina con 19 años nel añu 1949 fuxendo de la situación que se vivía equí nel tiempu de la posguera. Na ciudá del Plata, esti indianu serondu fundó una axencia de viaxes cola que consiguió espoxigar no económico y poder dedicase asina a recuperar la xuntura con Asturies, rescamplando'l so llabor al frente del Grupu Folklóricu "Pelayo". Asturies.com quier repetir el pésame que yá diere esti sábadu en conociéndose l'anuncia del fallecimientu